ENDE DËRGONI FATURA ME POSTË?

ENVOICE është një zgjidhje e bazuar në ueb e destinuar për përdoruesit e biznesit, që nënkupton që ju keni një kompani të regjistruar dhe një llogari bankare. Për të filluar përdorimin e saj, ju duhet të instaloni një lidhje interneti dhe një shfletues funksional interneti.

Duke aktivizuar një nga paketat e zgjedhura ENVOICE, ju merrni një emër përdoruesi dhe fjalëkalim, të cilat do t'i përdorni për t'u identifikuar dhe për të hyrë në platformë.

Nëse dëshironi që faturat të paguhen me kartë krediti/debiti, ju duhet gjithashtu akses në sistemin e e-commerce (tregtia elektronike) të Halkbank.

Faturat e gjeneruara përmes zgjidhjes ENVOICE mund të paguhen nga marrësi i faturës me kartë krediti/debiti. Përveç pagesës me kartë krediti/debiti, ENVOICE lejon që pagesa të bëhet përmes PayPal, Stripe ose Payoneer. Nga ana e përdoruesit, marrësi merr një faturë elektronike dhe një lidhje me të dhe mund ta hapë atë përmes një shfletues interneti. Duke vepruar kështu, marrësi merr një ndërfaqe, ku janë të shfaqura qartë të gjitha mënyrat në të cilat ai mund të paguajë faturën.

Për të qenë në gjendje të lidhni ENVOICE me PayPal, Stripe ose Payoneer, duhet të keni një llogari të hapur me cilindo nga sistemet e pagesave të listuara. Me rastin e krijimit të faturës dhe para dorëzimit të saj te marrësi, ju mund të zgjidhni se në çfarë mënyre ai, pra marrësi i faturës, do të mund të kryejë pagesën.

Nëse i dërgoni një faturë (faturoni) njërit prej klientëve tuaj në periudha kohore saktësisht të përcaktuara, atëherë me ENVOICE keni mundësinë të krijoni fatura periodike. Me to, përdoruesi e merr faturën përkatëse automatikisht, pa përfshirjen tuaj shtesë, në një periudhë të saktë, pra në një interval saktësisht të përcaktuar. Nëse shërbimi që merr nga ju është i pezulluar për një periudhë të caktuar, ju mund të kapërceni aq fatura sa shërbimi është i pezulluar. Gjithashtu, nëse nuk keni më nevojë për një faturë periodike për atë përdorues, mund të ndaloni procesin e dërgimit të faturave periodike dhe të vazhdoni të dërgoni fatura sipas nevojës.

Me secilën faturë që i dërgoni përdoruesit tuaj, d.m.th., marrësit të faturës, ju mund të bashkëngjitni dokumentacion shtesë nga Dropbox ose Google Drive.